• კურსის ღირებულება: 880 ₾
• დაწყების თარიღი: 21 აპრილი, 2025
• დასრულების თარიღი: 22 მაისი, 2025
• დღეები და დრო: ორშაბათი და ხუთშაბათი, 19:00-21:00
• სულ 10 ლექცია - 20 საათი
• ფორმატი: ლექციები ტარდება ფიზიკურად. შესაძლებელია დასწრება ონლაინ, სრულად ან ნაწილობრივ.
• ვიდეო ჩანაწერი: სალექციო შეხვედრების ვიდეო ჩანაწერი ხელმისაწვდომი იქნება ყველა მონაწილესთვის
• კურსში მონაწილეობა არ ითვალისწინებს წინასწარ ცონდას, როგორც წინაპირობას
• სალექციო ენა: ქართული
• კურსის გავლის ბოლოს გაიცემა სერტიფიკატი
• მისამართი: მარჯანიშვილის ქ. N5, თბილისი

შენიშვნა: რეგისტრაციის გავლის შემდეგ, კურსზე ჩასარიცხად, ასევე შესაძლებელია 200 ლარის გადახდა (რათა თქვენი ადგილი კურსზე გარანტირებულად გქონდეთ), ხოლო დარჩენილი 680 ლარის გადახდა უნდა მოხდეს კურსის დაწყებამდე 5 დღით ადრე.

მიზნობრიობა:

კურსის მთავარი მიზანია, მსმენელებმა ნათლად დაინახონ, რომ მდგრადი ბიზნეს პრაქტიკებისა და მდგრადი მართვის მიდგომების დანერგვა არის არა მხოლოდ გარემოზე ნეგატიური ზეგავლენის შემცირების საშუალება, არამედ ორგანიზაციის სტაბილური განვითარებისა და კომერციული თუ რეპუტაციული სარგებლის მიღების შესაძლებლობა. აღნიშნული კურსის ფარგლებში მსმენელები მიიღებენ ცოდნას და გაიუმჯობესებენ მდგრადი და თანამედროვე მართვის პრაქტიკაში განხორციელებისთვის საჭირო უნარ-ჩვევებს.  

კურსის აღწერა:

მდგრადი განვითარება და მასთან დაკავშირებული საკითხები სულ უფრო პოპულარული ხდება თანამედროვე სამყაროში. აღნიშნული კონცეფცია განიხილება არა მხოლოდ გარემოსდაცვით ჭრილში, არამედ წმინდა ეკონომიკური თვალსაზრისით და იგი გვთავაზობს, მათ შორის, სამეწარმეო საქმიანობის წარმართვისა და მმართველობითი გადაწყვეტილებების მიღების ახლებურ ხედვას.

შეზღუდული ორგანიზაციული რესურსების პირობებში ეფექტიანობის გაზრდა და ამის შედეგად სარგებლის მიღება უკვე გახდა თანამედროვე ბიზნეს ლიდერებისთვის განხილვის საგანი. ზოგადად ორგანიზაციებში და განსაკუთრებით კომერციულ საქმიან ორგანიზაციებში მდგრადი პრაქტიკების დანერგვა გვთავაზობს შესაძლებლობას ინოვაციური და ‘ახლებური’ მიდგომების გამოყენებით შევამციროთ ‘არაფრის მომცემი’ ხარჯები და ამ გზით გავზარდოთ სარგებელი. მსგავსი ტიპის მენეჯერული გადაწყვეტილებების მიღება კი, მოითხოვს პროცესების დეტალურ ანალიზს და შესაბამის ცოდნას.

კურსი მიმოიხილავს მდგრადი განვითარების კონცეფციას, მისი ჩამოყალიბების მიზეზ-შედეგობრივ კავშირებს. კურსის ფარგლებში განხილული მოდულები განსაკუთრებით ყურადღებას ამახვილებენ მდგრადი განვითარების ეკონომიკურ მდგენელზე და ორგანიზაციებში მდგრადი პრაქტიკების დანერგვის სარგებელზე. კურსი ასევე კონცენტრირდება ისეთ საკითხებზე როგორიც არის თანამედროვე მენეჯმენტის საფუძვლები, რესურს ეფექტიანობის მიდგომები, ESG, CSR და მდგრადი მართვის სხვა პრაქტიკები. კურსის შინაარსი საინტერესო იქნება ნებისმიერი რგოლის მენეჯერისთვის, რომელსაც აქვს სურვილი გაიმრავალფეროვნონ მენეჯერული კომპეტენციები და მიიღონ თანამედროვე გამოწვევების შესაბამისი მმართველობითი გადაწყვეტილებები.   

კურსის გავლის შემდეგ მსმენელებს ექნებათ ცოდნა შემდეგ საკითხებთან მიმართებაში:

• თანამედროვე მენეჯმენტის კონცეფციები
• მდგრადი განვითარების კონცეფციის ისტორია და არსი
• კლიმატის ცვლილებები და მისი გავლენა, როგორც ბიზნესზე, ასევე ჩვენს ყოველდღიურობაზე
• მდგრადი მართვის პრაქტიკები
• გარემოსდაცვით, სოციალური და მმართველობითი (ESG) პრინციპები და მათი დანერგვის უპირატესობები
• კორპორატიული სოციალური პასუხისმგებლობის (CSR) პრინციპები
• ცირკულარული ბიზნეს მოდელების პრაქტიკაში გამოყენება

კურსის თემატიკა:

მოდული 1: მდგრადი მართვის არსი - თეორიიდან პრაქტიკამდე

ლექცია 1:თანამედროვე მენეჯმენტის არსი, მენეჯერული ფუნქციები და როლები

ლექცია 2: მენეჯმენტის ევოლუცია: მოგების მაქსიმიზაციიდან მდგრადობამდე

ლექცია 3: მდგრადი განვითარება როგორც ბიზნეს სტრატეგია

ლექცია 4: მდგრადი ბიზნეს პრაქტიკები: წარმატების ახალი სტანდარტები

ლექცია 5: მდგრადობა თანამედროვე მენეჯმენტის კონტექსტში

მოდული 2: მდგრადი მართვის პრაქტიკები

ლექცია 6: რესურსეფექტიანობის კონცეფცია: მოგების მაქსიმიზაცია ეფექტიანობის გაზრდით

ლექცია 7: გარემოსდაცვითი, სოციალური და მმართველობითი (ESG) პრინციპები

ლექცია 8: კორპორატიული სოციალური პასუხისმგებლობა (CSR): ფილანტროპიის მიღმა

ლექცია 9: მდგრადი მმართველობა და მენეჯერული ეთიკა

ლექცია 10: მდგრადი დაფინანსება და ინვესტორების მოთხოვნები