განახლებადი ენერგია: მზის პანელების ელექტროსადგურის დაგეგმარება, მონტაჟი, მონიტორინგი და მოვლა

საავტორო კურსის ლექტორები: ნანუკა გენძეხაძე, რუსუდან ტყეშელაშვილი და ლევან რობაქიძე

• კურსის ღირებულება:  1250 ₾
• დაწყების თარიღი: 7 მაისი, 2025
• დასრულების თარიღი: 23 ივნისი, 2025
• დღეები და დრო: ორშაბათი 19.00-21.00, ოთხშაბათი 19.00-21.00 და შაბათი 15.00-17.00
• სულ 21 ლექცია - 42 საათი
• ფორმატი: ლექციები ტარდება ფიზიკურად. შესაძლებელია დასწრება ონლაინ, სრულად ან ნაწილობრივ.
• ვიდეო ჩანაწერი: სალექციო შეხვედრების ვიდეო ჩანაწერი ხელმისაწვდომი იქნება ყველა მონაწილესთვის
• კურსში მონაწილეობა არ ითვალისწინებს წინასწარ ცონდას, როგორც წინაპირობას
• სალექციო ენა: ქართული
• კურსის გავლის ბოლოს გაიცემა სერტიფიკატი
• მისამართი: მარჯანიშვილის ქ. N5, თბილისი

შენიშვნა: რეგისტრაციის გავლის შემდეგ, კურსზე ჩასარიცხად, ასევე შესაძლებელია 250 ლარის გადახდა (რათა თქვენი ადგილი კურსზე გარანტირებულად გქონდეთ), ხოლო დარჩენილი 1000 ლარის გადახდა უნდა მოხდეს კურსის დაწყებამდე 6 დღით ადრე.

მიზნობრიობა:

კურსის მიზანია განახლებადი ენერგიის, კერძოდ კი მზის ენერგიის თემატიკაზე ცოდნისა და პრაქტიკული უნარ-ჩვევების გაზიარება და მზის პანელების ელექტროსადგურის დაგეგმარების, მონტაჟის, მონიტორინგის და მოვლის სწავლება.

კურსის აღწერა:

კურსი პრაქტიკულია თავისი დანიშნულებით და ემსახურება საქართველოში განახლებადი ენერგიის, კერძოდ კი მზის ენერგიის გამოყენებისა და დანერგვის შესაძლებლობების გაძლიერებას. 

კურსის მიზანია მზის ენერგიის, როგორც განახლებადი ენერგიის ერთ-ერთი მთავარი სახეობის თემატიკაზე განათლების ხელმისაწვდომობის უზრუნველყოფა  და პრაქტიკული უნარ-ჩვევების ჩამოყალიბება შემდეგი  მიმართულებებით: მზის პანელების ელექტროსადგურის დაგეგმარება, მონტაჟი, მონიტორინგი და მოვლა.

მნიშვნელოვანია, რომ აღნიშნული კურსი მოიცავს თეორიულ ნაწილსაც, რომელიც აქცენტებს აკეთებს მზის ენერგიაზე, თუმცა ასევე ფარავს განახლებადი ენერგიის სხვა სახეობებსაც, ვინაიდან ეს სახეობები ხშირად დაკავშირებულია ერთმანეთთან. კურსის თეორიული ნაწილი განახლებადი ენერგიის სხვადასხვა სახეობებზე მეთოდოლოგიურად გადანაწილებულია და ნაწილობრივ შერეულია ლექციებთან უშუალოდ მზის პანალების თემატიკაზე.

აღნიშნული კურსის გავლის შემდეგ თქვენ გექნებათ შესაბამისი ცოდნა და პრაქტიკული უნარ-ჩვევები, რათა დამოუკიდებლად შეძლოთ, მზის პანელების ელექტროსადგურის (photovoltaic plant) დაგეგმარება, მონტაჟი, მონიტორინგი და მოვლა.

ლექციების დროს, აკადემიის აუდოტირიაში მსენელებისათვის სპეციალურად განთავსდება და პრაქტიკული ცოდნის გაზიარების  მიზნით ხელმისაწვდომი იქნება მოქმედი მზის პანელის აგრეგატი ყველა თვისი შემადგენელი ნაწილით. აღნიშნული კურსი ასევე ითვალისწინებს პრაქტიკული ცოდნის გაზიარებას  უშუალოდ ამ სფეროს პრაქტიკოსების მხრიდან მზის პანელების ელექტროსადგურის ობიექტებზე.

მზის პანელების ელექტროსადგურის (photovoltaic plant) თემატიკაზე აღნიშნული  კურსით გათვალისწინებული ცოდნისა და პრაქტიკული უნარ-ჩვევების გამოყენება შესაძლებელია როგორც ბიზნესში, ასვე პირადი მოხმარებისათვის. საქართველოში, ბიზნესის სექტორში მზარდია მოთხოვნა მზის პანელების ელექტროსადგურებზე, ასევე მზარდად აქტუალურია მზის პანელების გამოყენება პირადი/ოჯახური მიზნებისათვის (ასევე უკვე დამონტაჟებული პანელების ოპერირებისა და მოვლის ნაწილში). შესაბამისად, აღნიშნული კურსი სთავაზობს ცოდნის მიღებასა და პრაქტიკის დაუფლებას ზემოთხსენებული ორივე მიმართულებით.

კურსის დასრულების შემდეგ  მსმენელებს ეცოდინებათ:

• განახლებადი ენერგიის სახეობები და გამოყენებისა და იმპლემენტაციის საჭიროება;
• ტექნოლოგიებისა და ინოვაციების როლი განახლებად ენერგიაში;
• საქართველოს ენერგეტიკული ბაზრის მდგომარეობა, არსებული გამოწვევები და ენერგო პოტენციალი;
• მსოფლიოში მიმდინარე ტენდენციები და საუკეთესო პრაქრიკები;
• მზის პანელების ელექტროსადგურის მახასიათებელები;
• მზის ფოტოელოქტრული სისტემის კონფიგურაცია და მათი გამოყენება მზის პანელების მონტაჟის დროს;
• შრომის უსაფრთხოება მზის პანელების ელექტროსადგურის მონტაჟის, მონიტორინგისა და მოვლის დროს;
• პანელური სისტემა;
• მზის პანელების ელექტროსადგურის სისტემის ძირითადი პარამეტრები;
• მზის პანელების დაგეგმარება;
• მზის პანელების მონტაჟი;
• მზის პანელების მონიტორინგი;
• მზის პანელების მოვლა