მდგრადი აპიკულტურა

• კურსის ღირებულება: 570 ₾ 
• დაწყების თარიღი: 7 აპრილი, 2025
• დასრულების თარიღი: 8 მაისი, 2025
• დღეები და დრო: ორშაბათი და ხუთშაბათი, 19:00-21:00
• სულ 10 ლექცია - 20 საათი
• ფორმატი: ლექციები ტარდება ფიზიკურად. შესაძლებელია დასწრება ონლაინ, სრულად ან ნაწილობრივ
• ვიდეო ჩანაწერი: სალექციო შეხვედრების ვიდეო ჩანაწერი ხელმისაწვდომი იქნება ყველა მონაწილესთვის
• კურსში მონაწილეობა არ ითვალისწინებს წინასწარ ცონდას, როგორც წინაპირობასსალექციო ენა: ქართული
• კურსის გავლის ბოლოს გაიცემა სერტიფიკატი
• მისამართი: მარჯანიშვილის ქ. N5, თბილისი

შენიშვნა: რეგისტრაციის გავლის შემდეგ, კურსზე ჩასარიცხად, ასევე შესაძლებელია 100 ლარის გადახდა (რათა თქვენი ადგილი კურსზე გარანტირებულად გქონდეთ), ხოლო დარჩენილი 470 ლარის გადახდა უნდა 
მოხდეს კურსის დაწყებამდე 5 დღით ადრე.

მიზნობრიობა:

კურსის მიზანია სასოფლო-სამეურნეო დარგით, კერძოდ კი მეფუტკრეობით დაინტერესებულ პირებს გაუზიაროს ცონდა მდგრად აპიკულტურაზე.

ბოლო წლების განმავლობაში გაიზარდა დაინტერესება როგორც აგროკულტურის ამ დარგით, ასევე, გარემოსდაცვითი ღირებულებებით. ფუტკრებს, როგორ ძირითად დამატვერიანებელ მწერებს, დიდი მნიშვენლობა აქვთ ეკოსისტემების მდგრადობისათვის. შესაბამისად, კურსის მიზანია ამ საკითხებით  დაინტერესებული საზოგადოებისათვის თანამედროვე ცოდნის ხელმისაწვდომობის გაზრდა.  

კურსის ერთ-ერთ ძირითად მიზანს წარმოადგენს ევროკავშირთან გაფორმებული ასოცირების შეთანხმების განხილვა და სურსათის უვნებლობის სფეროში არსებული ვალდებულებების გაცნობა. კურსი ასევე შეეხება თაფლის ლაბორატორიული კვლევების დაგეგმვას და საქართველოში არსებულ გამოწვევებს. მეფუტკრეებს უმეტესობას არ აქვთ ზუსტი ინფორმაცია გარემოში გამოყენებული შხამქიმიკატების შესახებ. ამიტომ, კურსის ნაწილი დაეთმობა მეფუტკრეების ინფორმირებულობას შხამქიმიკატების ბუნების შესახებ და თაფლის ხარისხის შენარჩუნებას.

კურსის მსვლელობისას განხილული იქნება სკების რეგისტრაცია, მეფუტკრეთა რეესტრის მოწესრიგება და სრულყოფა; სახელმწიფო პროგრამების,  საპროექტო განცხადებების გაცნობა  და მეფუტკრეებისათვის მოტივაციის ამაღლება.

განვიხილავთ მეფუტკრეების და თაფლის წარმოების ვალდებულებებს და თაფლის შესახებ ტექნიკურ რეგლამენტს; თაფლის უვნებლობის მოთხოვნებს; თაფლის, მისი მარკირების, ეტიკეტირების და ბაზარზე განთავსების პირობებს; ხარისხიანი მედიკამენტების გამოყენების დანერგვის მეთოდებს; დარგთაშორისი კომუნიკაციით აპიკულტურის მდგრად განვითარებას ეკოსისტემებთან კორელაციაში.

კურსის აღწერა:

მეფუტკრეობა სოფლის მეურნეობის მნიშვნელოვანი და სასარგებლო დარგია. საქართველო, მეფუტკრეობის უძველეს ტრადიციებს ფლობდა და ფლობს. ქართველი ხალხი ძველთაგანვე მისდევდა მეფუტკრეობას და ფუტკრის მიერ პროდუცირებულ ნივთიერებებს როგორც სამკურნალოდ, ასევე საკვებად იყენებდნენ.

საქართველოს გეოგრაფიული მდებარეობა და მეფუტკრეობის განვითარებისთვის ხელსაყრელი მრავალფეროვანი ველური და კულტურული თაფლოვანი მცენარეული საფარი იძლევა მაღალი ხარისხის სხვადასხვა სახის თაფლის წარმოების შესაძლებლობას.

კურსის მსვლელობისას დიდი ყურადღება დაეთმობა დღეს არსებული მეფუტრეობის ძლიერ და სუსტ მხარეებს. მნიშვნელოვნად იკვეთება თანამედროვე ცოდნის ნაკლებობა მეფუტკრეობის სხვადადსხვა ნაწილში. დაინტერესებულ საზოგადოებასთან ერთად განვიხილავთ ბევრ მნიშვნელოვან გადასაჭრელ პრობლემას, როგორებიცაა: სადაზღვეო სისტემის შემოღება; თაფლის ფალსიფიკაცია; მეფუტკრე-ვეტერინარების ნაკლებობა, ვეტერინარული პრეპარტების უკონტორლო რეალიზაცია; თაფლის რეალიზაციაში გამოცდილების ნაკლებობა; ფუტკრის ოჯახების პასტორტიზაცია;  ინტესიური აგროქიმიის გამოყენება; უკონტორლო შეწამვლა და ა.შ.

მეფუტკრეობასთან დაკავშირებული პრობლემების მოგვარების ერთ-ერთი გზაა  სასწავლო კურსის შემუშავება კვალიფიციური სპეციალისტების მიერ.  მეფუტკრეობის დარგის სპეციალისტების რჩევები და სახელმძღვანელო მითითებები ერთმანეთისგან განსხვავებულია და აზრთა სზვადასხვაობაში რთულია დაადგინო რომელი ტექნოლოგიით იხელმძღვანელონ თავიანთ საფუტკრე მეურნეობაში.

დარგის გრძელვადიანი განვითარებისათვის აუცილებელია მეწარმეების კვალიფიციური და უწყვეტი ინფორმირება არსებული კანონმდებლობის,
მოთხოვნების და ევროკავშირში ექსპორტის პროცედურების შესახებ. ამიტომ, ძირეულად განვიხილავთ თაფლის, მისი მარკირებისა და ეტიკეტირების, ბაზარზე განთავსების პირობების მიმართ მოთხოვნებს; ექსპორტისა და იმპორტის პროცესების დაგეგმვას.

კურსის მსვლელობისას არსებით ყურადღება დაეთმობა ფუტკრისნაირების როლს მცენარეთა დამტვერვის პროცესში და ეკოსისტემების მდგრადობისათვის. აღნიშნული ეხება როგორც სასოფლო-სამეურნეო კულტურებს, ისე ბუნებრივი ეკოსისტემების ფლორის წარმომადგენლებს. მწერთა ამ ჯგუფის რიცხოვნობის კლება მნიშვნელოვნად ამცირებს არა მხოლოდ აგროკულტურების პროდუქტიულობას, არამედ ბუნებრივ ეკოსისტემებში მოზარდი ყვავილოვანი მცენარეების  განაყოფიერება-გამრავლების პროცესსაც.

აპიდოფაუნის შესწავლა განსაკუთრებით აქტუალური გახდა მას შემდეგ, რაც მსოფლიო მასშტაბით შეინიშნება გარეულ ფუტკრისნაირთა რაოდენობის მნიშვნელოვანი შემცირება. ამჟამად ეს გლობალურ ეკოლოგიურ პრობლემადაა მიჩნეული და როგორც სხვადასხვა ქვეყნის აპიდოლოგები, ისე საერთაშორისო ორგანიზაციები მათი, როგორც მთავარი დამმტვერავების კონსერვაციისათვის აუცილებელ და ეფექტური პროექტებს ახორციელებენ.

საყოველთაოდ ცნობილია, რომ ენტომოფილური კულტურების უმეეტესობის დამტვერვა ფუტკრის საშუალებით ხდება, რაც მოსავლიანობის ზრდის წინა პირობაა. შესაბამისად, ფუტკრის რაოდენობრივი კლება იწვევს სასოფლო–სამეურნეო კულტურების პროდუქციის მოცულობების შემცირებას.

ქართული მეთაფლია ფუტკარი - ფუტკრის ეს სახეობა ბევრი უნიკალური მახასიათებლით გამოირჩევა. ქართული ფუტკარი შეიძლება ითქვას რომ ეროვნული სიამაყეა, ბუნებრივი მემკვიდრეობაა.

სილაბუსი

ამ კურსის ბოლოს მონაწილეებს ეცოდინებათ:

• მეფუტკრეობის განვითარების ისტორია საქართველოში; მეფუტკრეობის ფორმები და ტრადიციები რეგიონებში
• ქართული ფუტკრისათვის დამახასიათებელი უნიკალური ბიოეკოლოგიური თავისებურებები
• მეფუტკრეობის და თაფლის წარმოების თანამედროვე მიდგომები
• საქართველოს ბიომრავალფეროვნება და მეფუტკრეობის მდგრადობა
• ფუტკრის ოჯახის ბიოლოგია
• ფუტკრის ოჯახის სეზონური ციკლურობა
• ძირითადი სეზონური სამუშაოები საფუტკრეში

• საფუტკრე მეურნეობის მოწყობა და ზოოჰიგიენური პირობების გათვალისწინება
• ფუტკრის ოჯახების პასპორტიზაცია და ინსპექტირება
• ფუტკრის მავნებლები და დაავადებები
• დაავადებებისა და მავნებლების ინტეგრირებული მართვის სისტემა
• ფუტკრის ორგანიზმში წარმოქმნილი ნივთიერებები
• ღალიანობის თავისებურებები, დამატებითი კვება, შესაძლო გვერდითი მოვლენები და საფრთხეები
• თაფლოვანი მცენარეების ნექტარპროდუქტიულობის განსაზღვრის მეთოდები  
• ფუტკრის მთაბარობა და სამთაბარო ადგილები
• ინტენსიური აგროქიმიის გამოყენება
• აპითერაპიის განვითარება
• აპიტურიზმის განვითარება
• თაფლის უვნებლობის, ხარისხობრივი მაჩვენებლებისა და თაფლის ეტიკეტირების შესახებ ცოდნა
• თაფლის უვნებლობასთან დაკავშირებული საფრთხეები და საზოგადოებრივი ჯანმრთელობის დაცვა
• ბაზარზე განთავსება და ევროკავშირში ექსპორტთან დაკავშირებული მოთხოვნები
• ქართული თაფლი ხარისხის გასაუმჯობესებლად და საექსპორტო
  კონკურენტუნარიანობის გასაზრდელად გასატარებებლი ღონისძიებები.