აკადემიური წერის უნარები

• ლექტორი და პროგრამის ხელმძღვანელი: მარიამ იაშვილი

• სასწავლო კურსის ღირებულება: 540 ₾ (9 კვირის საფასური)

• დაწყების თარიღი: 29 იანვარი, 2025

• დასრულების თარიღი: 29 მარტი, 2025

• დღეები და დრო: ოთხშაბათი 19:30-21:30 და შაბათი 15:00-17:00

• სულ 18 ლექცია - 36 საკონტაქტო საათი. საათების გადანაწილება:

ინტერაქციული ლექცია/სემინარი - 28 სთ

შუალედური გამოცდა - 4 სთ

დასკვნითი შეფასება - 4 სთ

• ფორმატი: Hybrid-Frexible (HyFlex)

ლექციები ტარდება ფიზიკურად. შესაძლებელია დასწრება ონლაინ Zoom-ის მეშვეობით, სრულად ან ნაწილობრივ.

სალექციო შეხვედრების ვიდეო ჩანაწერი ხელმისაწვდომი იქნება ყველა 

მონაწილესთვის Google Drive-ის მეშევეობით.

• სასწავლო კურსზე დაშვების წინაპირობები: ქართული ენის ცოდნა სულ მცირე B1 დონეზე (არაქართულენოვანი აუდიტორიისთვის)

• სალექციო ენა: ქართული

• სასწავლო კურსის გავლის ბოლოს გაიცემა სერტიფიკატი

• მისამართი: მარჯანიშვილის ქ. N5, თბილისი

შენიშვნა: რეგისტრაციის გავლის შემდეგ, კურსზე ჩასარიცხად, ასევე შესაძლებელია 100 ლარის გადახდა (რათა თქვენი ადგილი კურსზე გარანტირებულად გქონდეთ), ხოლო დარჩენილი 440 ლარის ორ ნაწილად გადახდა. ასეთ შემთხვევაში, 440 ლარის პირველი ნაწილის გადახდა უნდა მოხდეს კურსის დაწყებამდე 5 დღით ადრე, ხოლო მეორე ნაწილის, კურსზე სწავლების პირველი თვის დასრულებისას.

სასწავლო კურსის მიზანი

კურსის მიზანია, სტუდენტს განუვითაროს ეფექტური აკადემიური მუშაობის, კრიტიკული აზროვნებისა და კომუნიკაციის რბილი უნარები. ეს გულისხმობს აკადემიური წერის, აგრეთვე, პრეზენტაციის მომზადება-წარდგენის ძირითად/საბაზისო ტექნიკებს, სანდო ინფორმაციის მოძიება-ტექსტის დამუშავების სტრატეგიებს, ანალიზს, ტექსტის რეცენზირებასა და არგუმენტირებულ მსჯელობას.

სილაბუსი: 
 

სწავლა/სწავლების მეთოდები და კურსის აღწერა

კურსი პრაქტიკული და ინტერაქციულია. ყურადღების ცენტრშია სხვადასხვა აკადემიური, მათ შორის, რბილი უნარების განვითარება პრაქტიკული დავალებებისა და მაგალითების მეშვეობით. ამ მიზნით ძირითადად გამოყენებული იქნება ისეთი მეთოდები და მიდგომები, როგორებიცაა, მაგალითად, აქტიური სწავლება და ამობრუნებული საკლასო ოთახი (flipped  classroom), გონებრივი იერიში, დისკუსია, ჯგუფური და/ან წყვილში მუშაობა, შემთხვევის ანალიზი,  სახლში შესასრულებელი წერითი დავალებები (საჭიროების მიხედვით), დემონსტრაცია/პრეზენტაცია, ვერბალური მეთოდი.

კურსის ფარგლებში მიღებული ცოდნისა და უნარების გამოყენებით კურსის მონაწილე იმუშავებს აკადემიური ტექსტების ცალკეულ კომპონენტებზე. ამ ნაწილში გამოყენებული იქნება რეცენზირების მეთოდი (peer-review). კურსის მონაწილე, შესაძლოა იყოს ავტორიც და იმავდროულად, რეცენზენტიც. სხვადასხვა აკადემიური სტილისა და ჟანრის ტექსტებს/ცალკეულ კომპონენტებს კურსის მონაწილეები გააანალიზებენ წინასწარ განსაზღვრული კრიტერიუმების მიხედვით და ჩამოაყალიბებენ შესაბამის რეკომენდაციებს.

რეცენზირების, როგორც აკადემიური მუშაობის ერთ-ერთი უნარის, შემდგომი განვითარება დაეფუძნება რეფლექსიის მეთოდს. კერძოდ, აქ შესაძლოა გააანალიზდეს კურსის მონაწილის შენიშვნები, მოსაზრებები  რეფლექსიის წარმოდგენის საშუალებით: მაგალითად, როგორ აისახება კურსის მონაწილის რეკომენდაცია აკადემიურ ტექსტებში. ხოლო უკუკავშირის რომელიმე ასპექტის შეუსაბამოდ მიჩნევის შემთხვევაში კურსის მონაწილე დაასაბუთებს თავის აზრს  სათანადო არგუმენტების წარმოდგენით.

შესაძლო მიმდინარე წერითი დავალებები - კურსის მონაწილეებს შესაძლოა მიეცეს საშინაო საწერი დავალებები კურსის სალექციო თემების შესაბამისად. დავალების პირობებს პედაგოგი უთანხმებს მათ და წინასწარ (არაუგვიანეს ლექციის დღისა) განათავსებს კურსისთვის განსაზღვრულ ელექტრონულ პორტალზე https://sites.google.com/view/classroom-workspace/ 

დავალებები, კერძოდ, კურსის მონაწილეთა მიღწევები, ტიპური შეცდომები და გაუგებარი შემთხვევები, სავალდებულო წესით, განიხილება მომდევნო ლექციაზე.

კურსის განმავლობაში გათვალისწინებულია  ასევე შუალედური და დასკვნითი შეფასებები.

ძირითადი თემები

1. ფუნქციური წერის ელემენტები (მაგალითად, საქმიანი მიმოწერა, საქმიანი წერილი, სამოტივაციო წერილისა და CV/რეზიუმეს შედგენა);
2. აკადემიური ენა და სტილები (მაგალითად, პუბლიცისტური, ოფიციალურ-საქმიანი, სამეცნიერო); რიტორიკული ფორმები;
3. ურთიერთშეფასება, რეფლექსია, თვითრეფლექსია;
4. აკადემიური მუშაობის უნარები (მაგალითად, საძიებო საშუალებები / ბაზები, წყაროს სანდოობის განსაზღრა, ტექსტზე მუშაობის ხერხები, ტექსტის გააზრება და ანალიზი (პარაფრაზირება, რეზიუმირება ციტირება);  
5. სამიზნე აუდიტორიის ზოგადი და სპეციფიკური მახასიათებლები (მაგ., პრობლემის აღწერა, აქტუალობისა და მნიშვნელოვნების დადგენა, მიზნის ტიპები და სახეები);
6. ინფორმაციის დამუშავება და სისტემატიზაცია (მაგალითად, სტრუქტურირების ფორმები და საშუალებები აზრობრივი რუკის გამოყენებით);
7. აკადემიური ტექსტების სტრუქტურული ერთეულები (სათაური, შესავალი, ძირითადი ნაწილი, შეჯამება, გამოყენებული ლიტერატურა);
8. პრეზენტაციის ფორმები და საშუალებები (მაგალითად,  MS Word და Power Point დოკუმენტის გამართვა და პრეზენტაცია);
9. აკადემიური კეთილსინდისიერება (თეორიული და პრაქტიკული მაგალითები).