background
  1. მთავარი
  2. ჩვენ შესახებ
  3. აკადემიის გუნდი
ვატო ჩაფიჩაძე

ვატო ჩაფიჩაძე

ბიოგრაფია

ვატო ჩაფიჩაძე 2020 წლიდან დაინტერესდა მდგრადი არქიტექტურით, დამოუკიდებლად შეისწავლა მიწითა და სხვა ბუნებრივი მასალებით მშენებლობის ტექნოლოგიები, იმუშავა მოხალისედ რამდენიმე ბუნებრივ მშენებლობაზე, სადაც გაიღრმავა პრაქტიკული ცოდნა. 2021 წელს რამდენიმე თვე გაატარა ლატვიაში, სადაც მოხალისეების ჯგუფთან ერთად მიიღო მონაწილეობა  ბუნებრივი მასალებით მშენებლობაში და პერმაკულტურის პრინციპებით ბაღის მოწყობაში. საქართველოში დაბრუნების შემდეგ, სოფელ ნიჩბისში დამოუკიდებლად დაიწყო საცხოვრებელი სახლის შენება, სხვადასხვა მიწის ტექნოლოგიის გამოყენებით. 2023 წლიდან ამ პროცესში ჩაერთო ბატონი გივი ჯაყელი.

ვატო ჩაფიჩაძე 2015-2018 წლებში სწავლობდა Dickinson College-ის უნივერსიტეტში, მეცნიერებების ფაკულტეტზე, 2018 წლიდან სწავლა განაგრძო  Maastricht University-ში, სადაც მისი ძირითადი ინტერესი ბიომედიცინა გახდა. ამ მიმართულებამ დაარწმუნა იმაში თუ რამდენად მნიშვნელოვანია ცხოვრების სტილის და გარემოს გავლენა ადამიანის კეთილდღეობაზე. ადამიანზე საცხოვრებელი გარემოს გავლენის კვლევისას, ვატომ აღმოაჩინა რომ მიწის ტექნოლოგიებით აშენებული სახლი, არის ერთადერთი საცხოვრებელი სივრცე, რომელიც ადამიანის ჯანმრთელობასა და კეთილდღეობაზე უარყოფითად არ მოქმედებს.